Алматылық ақын үйін мұражайға айналдырды

Алматылық ақын, жазушы, еліміздің құрметті журналисті, әрі қыл қалам шебері Жұмат Әнесұлы, өз үйін виртуалдық мұражайға айналдырған, деп хабарлайды Almaty.tv.

Онда тарихи және еркін тақырыпта салынған жүзге тарта көркем сурет туынды бар. Қазақ өнерінің жанашыры, өзінің еңбектерін видеоға түсіріп, ғаламторға жүктейді. Осылайша 70-ті еңсерген қария өнер сүйер қауымға онлайн экскурсия жүргізеді.

«Видео камера арқылы мектеп оқушыларына, осы музейдегі жәдігерлер туралы нақты тарихын, техникалық жақтарын айтып беруді жоспарлап отырмын», – деді ақын, жазушы, суретші  Жұмат Әнесұлы.