Еңбек етсең, бәрі мүмкін: Елдос Сметов туралы кітап шықты

Олимпиада чемпионы Елдос Сметов өзінің өмір жолы мен спорттағы жетістіктері туралы жазылған кітаптың жарық көргенін хабарлады, деп хабарлайды Аlmaty.tv.

Оның айтуынша, «Төзім. Сенім. Жеңіс» атты кітапта спорттағы жеңісі мен жеңілісі, күмәні мен сенімі, арманы мен мақсаты қамтылған.

«Бұл кітап – тек мен туралы емес. Бұл – арманына адал болған әрбір жас спортшы туралы. Қандай қиындық кездессе де, мақсатыңа сеніп, еңбек етсең, бәрі мүмкін екенін дәлелдейтін өмір жолы», – деп жазды Елдос Сметов.

Сондай-ақ ол осы жолда қолдау көрсеткен отбасысына, бапкерлеріне, жанкүйерлеріне және барша қазақстандықтарға алғыс айтып, кітап оқырмандарға жігер беріп, өз арманына жетуге шабыт сыйласа, соны ең үлкен марапат санайтынын жеткізді.

Оқи отырыңыз: Қазақстандық ескек есушілер халықаралық жарыста алтын жүлде жеңіп алды