Көпірден секіріп кеткен: Астанада суицид жасамақ болған әйел құтқарылды

Астанада суицид жасамақ болып көпірден секіріп кеткен әйел құтқарылды, деп хабарлайды Аlmaty.tv.

Төтенше жағдайлар министрлігінің хабарлауынша, оқиға Сарыарқа ауданында Атырау көпірінде болған.

«1991 жылы туған әйел адам суға секіріп кеткен. Оқиға орнына Астана қалалық ТЖД Жедел-құтқару жасағы және Апаттар медицинасы орталығының қызметкерлері жұмылдырылды», - делінген хабарламада.

Авариялық-құтқару жұмыстары барысында зардап шеккен азаматша судан шығарылып, әрі қарай медициналық көмек көрсету үшін 103 қызметі бригадасына тапсырылды.

Оқи отырыңыз: Ақтөбеде анасын өлтірді деп күдіктелген жасөспірімге қатысты жаңа ақпарат шықты