Құтқарушылар жанып жатқан автобустан 34 адамды алып шықты

4 маусымда Қарағанды облысы Абай ауданындағы "Астана - Қарағанды - Алматы" автожолының 960-шақырымында "Астана – Шымкент" бойынша бағыт алған жолаушылар автобусының моторынан өрт шықты, деп хабарлайды Almaty.tv.

Төтенше жағдайлар министрлігінің құтқарушылары жедел әрекет етіп, жолаушылар дер кезінде эвакуацияланды. Олардың барлығы жақын маңдағы кемпингке жеткізілді. Жолаушыларға қажетті көмек көрсетілді.

Автобус салонында 34 жолаушы болған. Оның ішінде –  9 бала және 5 ересек Өзбекстан азаматтары. Оқыс оқиғадан ешкім зардап шеккен жоқ. Қазір автобус техникалық тұрғыдан тексеріліп жатыр.

Оқи отырыңыз: Қызылордада мектеп оқушысының денесі табылды