Талдықорғанда жастар төбелесіп, 1 адам қайтыс болды

Талдықорғандағы Шығыс шағын ауданында №32 үйдің жанында жастар арасында төбелес болып, оның салдарынан бір жігіт пышақ жарақатын алып, оқиға орнында көз жұмды, деп хабарлайды Almaty.tv тілшісі inbusiness.kz сайтына сілтеме жасап.

"Аталған факті бойынша полиция қылмыстық іс қозғады. Қазіргі уақытта оқиғаның барлық мән-жайы анықталып жатыр, тергеу амалдары жүргізілуде. Тергеу мүддесіне байланысты басқа ақпарат жария етілмейді", – деп мәлімдеді Талдықорған қаласының ПД баспасөз қызметі.

Кейбір дереккөздерде тараған ақпаратқа сүйенсек, ұсталған күдікті – 2003 жылы туған азамат. Қазіргі уақытта жанжалдың себебі мен мән-жайы анықталуда.

Оқи отырыңыз: Алматы облысында 900 орындық мектеп ашылды