Қар аралас жаңбыр жауып, аяз болады: 29 қарашаға арналған ауа райы болжамы

«Қазгидромет» 29 қарашаға арналған ауа райы болжамын жариялады, деп хабарлайды Almaty.tv.

Ауқымды антициклон ықпалының әсерінен әлі де республиканың басым бөлігінде жауын-шашынсыз ауа райы күтіледі, тек республиканың қиыр батысында циклон жырасының әсерінен жаңбыр мен қар түріндегі аздаған жауын-шашын мен көктайғақпен болады.

Сонымен қатар республика бойынша тұман түсіп, екпінді жел соғады деп болжанып отыр.

Жамбыл облысының таулы және тау бөктеріндегі аудандарында тұман күтіледі, солтүстік-шығысында және таулы аудандарында желдің екпіні түнде 23-28 м/с-ке дейін күшейеді.

Алматы облысының Алакөл көлі ауданында желдің екпіні 28 м/с болады.

Шығыс Қазақстан облысының Жарма ауданында желдің күші 15-20 м/с-ке дейін жетеді.

Батыс Қазақстан облысының солтүстік-батысында, солтүстігінде көктайғақ, солтүстігінде тұман болады.

Түркістан облысының оңтүстігінде, Маңғыстау, Қостанай облыстарының солтүстігінде, Атырау облысының батысы мен орталығында тұман түседі.