Синоптиктер сейсенбі, 14 қарашада республиканың 10 өңірінде қолайсыз ауа райына байланысты ескерту жасады, деп хабарлайды Almaty.tv.
Батыс Қазақстан облысының оңтүстігінде, батысында тұман. Оңтүстік-шығыстан жел соғады, түнде облыстың солтүстік-шығысында екпіні 15-20 м/с болады.
Атырау облысының батысында тұман түседі. Оңтүстік-шығыстан оңтүстік-батысқа ауысып жел соғады, облыстың шығысында екпіні 15-20 м/с-ке дейін жетеді.
Қарағанды облысының шығысында, орталығында тұман түседі. Оңтүстік-батыстан, оңтүстіктен жел соғады, күндіз облыстың батысында, оңтүстігінде екпіні 18 м/с болады.
Ақтөбе облысының шығысында тұман түседі. Оңтүстік-шығыстан жел соғады күндіз облыстың батысында, солтүстігінде екпіні 15-20 м/с болады.
Ақмола облысының шығысында тұман. Оңтүстік-батыстан жел соғады, облыстың батысында, солтүстігінде екпіні 15-20 м/с-ке жетеді.
Ұлытау облысының солтүстігінде тұман. Оңтүстік-шығыстан жел соғады, күндіз облыстың батысында, солтүстігінде екпіні 18 м/с болады.
Маңғыстау облысының шығысында шаңды дауыл соғады. Оңтүстік-шығыстан соғатын жел солтүстік-батысқа ауысады, күндіз облыстың батысында, шығысында екпіні 15-20 м/с-ке жетеді.
Солтүстік Қазақстан облысының батысында, солтүстігінде тұман түседі. Оңтүстік-батыстан жел соғады, түнде облыстың батысында екпіні 15-20 м/с, күндіз облыстың басым бөлігінде күші 15-20, екпіні 25 м/с болады.
Павлодар облысының батысында, солтүстігінде, шығысында тұман түседі.
Жамбыл облысының оңтүстігінде, таулы аудандарында тұман. Оңтүстік-батыстан соғатын жел солтүстік-шығыс желіне ауысады, облыстың оңтүстік-батысында, солтүстік-шығысында, таулы аудандарында 15-20 м/с болады.
