Жер реформасы комиссиясының бірінші отырысында комиссия мүшелері тарапынан 55 ұсыныс айтылған. Бұл туралы ҚР Ауыл шаруашылығы министрлігі жер реформасы комиссиясының екінші отырысында ҚР Премьер-Министрінің орынбасары Ералы Тоғжанов айтты, деп хабарлайды Almaty.tv тілшісі ҚазАқпаратқа сілтеме жасап.
«Жер реформасы жөніндегі комиссия отырысында комиссия мүшелері тарапынан 55 ұсыныс айтылды. Оның ішінде 15-і - құқықтық сипатта, 29-ы - экономикалық сипатта, 11-і ұйымдастыруға қатысты сұрақтар болды. Барлық ұсыныс жұмыс тобында комиссия мүшелерінің, жауапты мемлекеттік органдардың, сала мамандарының қатысуымен жан-жақты қаралды. Бірқатар сұрақтар бойынша нақты шешімдер жобасы әзірленді. Бүгін жүргізілген жұмыстың қорытындысын талқылаймыз», – деді ҚР Премьер-Министрінің орынбасары Ералы Тоғжанов жиында.
Еске сала кетсек, жер реформасы бойынша комиссия құрамы бекітілгенін жазған болатынбыз.
