|
26.11.2022 | 11:28
1788

Қасым-Жомарт Тоқаев халық алдында ант берді

Осы сәттен бастап Президент ресми қызметiне кiрiскен болып саналады

Қасым-Жомарт Тоқаев халық алдында ант берді видеодан кадр

Қазақстан Республикасының Президенті болып қайта сайланған Қасым-Жомарт Тоқаев Мемлекет басшысын ұлықтау рәсімінде халық алдында ант берді, деп хабарлайды Almaty.tv тілішсі ҚазАқпаратқа сілтеме жасап.


Президент ант бермей тұрып рәсім өтетін салтанатты залға Қазақстан Республикасының Туы, штандарты мен Конституциясы әкелінді.

«Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан Республикасы Президентiнiң өзiме жүктелген мәртебелi мiндетiн адал атқаруға салтанатты түрде ант етемiн», — деді Қасым-Жомарт Тоқаев Конституцияға қолын қойып тұрып.

Осы сәттен бастап Президент ресми қызметiне кiрiскен болып саналады.

Ант берiлгеннен кейiн Қазақстан Республикасының Мемлекеттiк Гимнi орындалды. Сонымен қатар, Орталық сайлау комиссиясының төрағасы Мемлекет басшысына Қазақстан Республикасы Президентiнiң куәлiгiн тапсырды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир