Экс-министр Қуандық Бишімбаев Шымкенттегі қауіпсіздік деңгейі орташа мекемеге ауыстырылды, деп хабарлайды ҚР ІІМ Қылмыстық-атқару жүйесі комитетінің баспасөз қызметіне сілтеме жасап.
«Қуандық Бишімбаев осы жылдың 15 ақпанында Шымкенттегі қауіпсіздік деңгейі орташа 167/3 мекемесіне ауыстырылды», - делінген комитеттің редакция жолдаған сауалға берген жауабында.
Еске салайық, былтыр тамызда бұрынғы ұлттық экономика министрі Қуандық Бишімбаев Астанадағы колониядан Шымкенттегі колонияға ауыстырылған болатын.
«Бұл максимал қауіпсіздік мекемесі, яғни, қатаң тәртіптегі режим, шамамен 500 адам болады. Ғимарат 1976 жылы пайдалануға берілген болатын», - деген еді ІІМ Қылмыстық-атқару жүйесі комитетінің баспасөз қызметінің қызметкері Ғалымжан Хасенов.
