Қостанайда жертөледегі жарылыстан зардап шеккен екі адам көз жұмды

Қостанай қаласында болған жарылыста зардап шеккен екі адам көз жұмды, деп хабарлайды Almaty.tv тілшісі Sputnik сайтына сілтеме жасап.

Олар жарылыс салдарынан қатты күйік шалған. 1995 жылғы ер адам 19 қыркүйекте, 1984 жылғы азамат 20 қыркүйекте таңғы бесте көз жұмды.

Бейсенбі күні, 16 қыркүйекте Қостанайда жер үйдің жертөлесінде жарылыс болды. Куәгерлердің айтуынша, үш ер адам монтаждау көбігімен жұмыс істеп жатқан.

Зардап шеккен үш адам да Қостанай қалалық ауруханасына жеткізілген болатын.