Қостанай облысының Затобол кентінде жолаушылар автобусы тұрғын үйге соғылды, деп жазады alau.kz.
Облыс орталығының маңындағы ауылда жолаушылар автобусы мен Volkswagen Tiguan жеңіл автокөлігі соқтығысты. Кейін автобус қоршауды бұзып өтіп, үйге соғылған.
Автокөлікте 60 жастағы әйел жүргізуші болған.
«Қауіпсіздік белдігін тақпаған әйел орындық пен панельдің арасына қысылып қалған. Бас миы зақымданып, қабырғалары сынған. Алған жарақатынан марқұм ауруханада көз жұмды», - делінген Денсаулық сақтау басқармасы жолдаған хабарландыруда.
Ал 42 жастағы автобус жүргізушісіне «қабырғаларының жабық сынығы, денесінің соғылуы» диагнозы қойылды.
