Алматыда Жүргенов көшесіндегі учаскеде көлік қозғалысы шектеледі

2024 жылғы 8 маусым мен 15 қыркүйек аралығында Алматы қаласының Медеу ауданында Жүргенов көшесі бойынша Жетісу көшесі арқылы Тянь-Шань көшесіне дейін Жангелдин көшесінен автокөлік қозғалысы жабылады, деп хабарлайды Almaty.tv.

Қозғалыс екі жаққа да жабылады. 

1988 жылдан бастап пайдалануға берілген, аталған көше сегментінің жүріс бөлігінің астынан өтетін ұзындығы 695 метр құбырды реконструкциялау учаскесінде жоспарлы жұмыстарды жүргізу қауіпсіздігін қамтамасыз ету үшін уақытша шектеулер енгізіледі. Бұл құбыр 18 көппәтерлі тұрғын үйді, 61 жеке үйді, 1 балабақшаны, 1 мектепті және 13 өзге де объектілерді жылумен және ыстық сумен қамтамасыз етеді. Жоғарыда көрсетілген тұтынушылар реконструкция кезінде ыстық сумен жабдықталады.

Уақытша қолайсыздықтарға түсіністікпен қарауды және көрсетілген учаскені айналып өту жолдарын алдын ала қарастыруды сұраймыз.

Оқи отырыңыз: Алматы әкімдігі тау бөктеріндегі «Орловские банидің» құрылысы туралы ақпаратты жоққа шығарды