Алматы-Өскемен тасжолында 7 көлікті тиеп келе жатқан транспорт аударылды, деп хабарлайды Almaty.tv тілшісі ҚазАқпаратқа сілтеме жасап.
«21 мамырда Алматы-Өскемен тасжолының 143 шақырымында Scania көлігінің қатысуымен жол-көлік апаты болды. Үлкен жүк тасушы транспорт 7 Tesla көлігін тасымалдап бара жатқан. Көлік апатынан жол қозғалысына кедергі келтірілген жоқ. Республикалық трасса қалыпты режимде жұмыс істеп тұр», - делінген Жетісу облыстық полиция департаменті баспасөз қызметінің хабарламасында.
Айта кетейік, апатқа ұшыраған көлікті 39 жастағы жүргізуші тізгіндеген. Ол Алматы қаласына қарай бағыт алып бара жатқан. Көлік апаты Арқарлы асуының маңында болған.
