Шарын шатқалында жоғалған қызды құтқару сәтінің видеосы жарияланды

Шарын шатқалында селден кейін жоғалып кеткен 11 жастағы қызды құтқару сәтінің видеосы пайда болды. Видео ТЖМ өкілінің youtube-арнасында жарияланды, деп хабарлайды Almaty.tv тілшісі Tengrinews.kz-ге сілтеме жасап.

30 мамырда Шарын өзені бойындағы жағалау сызығын шолу әдісімен жерүсті іздестіру-құтқару жұмыстарын жүргізу кезінде 2010 жылы туған қыз табылды.

«Алдын ала мәлімет бойынша қыз жарақат алған, жағдайы орташа ауыр. Зардап шеккен адамға білікті медициналық көмек көрсету үшін «Қазавиақұтқару» АҚ авиациялық техникасын пайдалана отырып Алматы медициналық мекемесіне тасымалдау мәселесі шешіліп жатыр», – деді ТЖМ өкілі.