Алматы облысында ер адамды өзен ағызып әкетті

Алматы облысында Шарын өзеніне ағып кеткен 37 жасар азаматты құтқарушылар іздестіріп жатыр. Төтенше жағдайлар министрлігі баспасөз қызметінің мәліметіне сәйкес, бүгін сағат 11.15-те «112» пультіне осындай хабар түскен, деп хабарлайды Almaty.tv

Іздестіру жұмыстарын жүргізу үшін оқиға болған жерге тез арада Алматы облысы Төтенше жағдайлар департаментінің қызметкерлері мен құралдары, республикалық жедел-құтқару жасағының мамандары жіберілді. Сондай-ақ, тікұшақ тартылған. Кей дерек көздеріне сәйкес, ер адам туристік топпен жүріп, фотоға түсемін деп суға ағып кеткен.