Алматыда "Ақсай" сауда үйінен өрт шықты, деп хабарлайды Almaty.tv тілшісі Tengrinews.kz-ке сілтеме жасап.
ТЖД мәліметінше, 20 қарашада сағат 13.45-те өртсөндірушілер оқиға орнына жоғары шақырумен шығып, 6 минуттан жеткен. Олар келгенде "Ақсай" сауда үйінің бірінші және екінші қабатында 150 шаршы метр алаңда бутиктер өртеніп жатқан.
Үш әмбебап оқпан мен бір лафеттік оқпан орнатылады, газ-түтіннен қорғау қызметінің 3 тобы және түтін жою автомобилі жұмылды. АД 120 түтін жойғыш автомобилі жанып жатқан заттардың концентрациясын төмендету және көрінуді жақсарту үшін қолданылды.
Алматы қаласы ТЖ департаменті өкілдері өрт 14.05-те ауыздықталып, 14.12-де сөндірілгенін хабарлады.
Қаза болғандар мен зардап шеккендер жоқ. Өрт басталғанда ғимаратта келушілер болмаған. Екі бутик қана жанған, жоғарғы бутиктер бос болған.
