Толқын Забирова: Әділетті Қазақстанды құру халықтың өз қолында

Әділетті Қазақстанды құру халықтың өз қолында. Бұл туралы Қазақстанның еңбек сіңірген қайраткері, әнші Толқын Забирова айтты, деп хабарлайды Almaty.tv тілшісі.

«Жаңа Қазақстанда жаңаша ойлауға, заманауи көзқарасқа негізделген мемлекеттік аппарат жұмыс істейді деп сенеміз. Себебі заңға енгізілген барлық өзгеріс бойынша референдум өткізу еліміздің суперпрезиденттік басқару жүйесін үлкен өзгерістерге бастайды. Ел Президенті Қасым-Жомарт Тоқаевтың тікелей эфирдегі бейнеүндеуінде көптеген тың дүние айтылды. Алдағы референдумға халықтың өзі тікелей үн қосатыны менің кеудеме үлкен үміт отын жағып отыр. Әділетті Қазақстанды құру халықтың өз қолында», – деді Қазақстанның еңбек сіңірген қайраткері, әнші Толқын Забирова.