Еңбегім бұлай бағаланбаған: Жұлдызай Дүйсенбиева көз жасына ерік берді (видео)

Әзілдерімен халықтың көңілінен орын алған актриса, вайнер Жұлдызай Дүйсенбиеваға отандық дизайнер Ғани Көбеев көлік сыйлады, деп хабарлайды Аlmaty.tv тілішісі дизайнердің  instagram парақшасына сілтеме жасап. 

Қымбат сыйлықты тосынсый ретінде ұсынған дизайнер Ғани Көбеев бұл жаңалықпен өзінің Instagram желісіндегі парақшасында бөлісті.

Күтпеген тосынсыйға көңілі толқыған актриса көз жасына ерік берді.  Сондай-ақ ол осы уақытқа дейін еңбегі осынша жоғары бағаланбағанын да жасырмады.

- Осы күнге дейін қанша жерде еңбек еттім. Еңбегім дәл осылай бағаланбапты. Әлі өзіме сенбей тұрмын. Бұрын-соңды ешкімнен бағалы сыйлық алып көрмеппін. Қатты қуанып тұрмын. Көлігіңе емес, көңіліңе рақмет. “Қазақстанның құрметті азаматына” берілді” деп інім күлдіртіп жатыр, – деп қуанышын жасыра алмады өнер иесі.

Оқырмандары бұл жаңалыққа шынайы қуанып, Жұлдызайға ақжарма тілектерін жаудырды.

"Күні кеше сұхбат алып отырып, көлігінің жоқ екенін айтқан еді”, "Ғани мырзаның танылуына Жұлдызай ханымның еңбегі орасан ғой. Актерлік қырын ашып, кәсібін дөңгелетіп берді. Сол жақсылығын бағалаған Ғани мырза да мәрт екен" "Құтты болсын! Жылап қалдым қосылып! Жаным, Жузи, үнемі вайн түсірем деп сенбей қалды! Ғани, саған Алла разы болсын! Сені Құдай көтерсін! Жузи бәріне лайықты жан", "Жұлдызай, сенің аппақ көңіліңнің жемісі. Соны бағалаған Ғани қандай мықты жігіт! Өрлей беріңіздер", "Ғани Жұлдызай әпкенің арқасында танылғанын ұмытпай рахметін білдіріп жатыр. Жарайсың, еңбектеріңіз жана берсін, саудаларыңыздың тек берекесін берсін!”, – деп жүрекжарды тілектерін білдірді оқырман қауым.

Оқи отырыңыз: Маған осындай жігіт керек: Қуандық Рахым мен Ақбота-Нұр Абайқызы жұрттың назарын аударды