Алматыда қазақша күрестен турнир өтіп жатыр

Алматыдағы Спорт және туризм академиясында студенттер арасында қазақша күрестен турнир өтіп жатыр, деп хабарлайды Almaty.tv.

Олар 1986 жылғы Желтоқсан оқиғасының қатысушысы Ербол Сыпатаев атындағы жүлдеге таласады.

Айта кетейік, Ербол Сыпатаев – 1986 жылғы Желтоқсан көтерілісінің құрбаны. Ол 1964 жылы Талдықорған облысының Көктал ауылында дүниеге келген. Алматыдағы Энергетика институтында оқып жүргенінде қазақ жастарының отаршылдық-әміршілдік жүйеге қарсы көтерілісіне белсене катысқан. 18 желтоқсанда ауыр жараланып, 23 желтоқсанда көз жұмған.