Туризм және спорт вице-министрі Серік Жарасбаев елімізде спорт түрлерін дамыту үшін қанша қаражат жұмсалатынын мәлім етті, деп хабарлайды Аlmaty.tv тілшісі іnform.kz-ке сілтеме жасап.
- Спорт саласына жалпы облыстық, жергілікті және республикалық бюджеттерді қоса алғанда шамамен 290 млрд теңге бөлінеді, - деді вице-министр Мәжілістің Әлеуметтік-мәдени даму комитеті отырысынан кейін.
Оның атап өтуінше, биыл қаржыландыру сомасы бұған дейін белгіленген деңгейде қалады. Бірақ мемлекет тарапынан қаржыландырылатын спорт түрлерінің саны қысқартылады.
- Біз қаражатты шашып жібермеу мақсатында оны шоғырландырып, басымдыққа ие спорт түрлеріне жұмсағымыз келеді. Бұл олимпиадалық спорт түрімен айналысатындар санын арттырып, бәсекелестікті жандандырады. Бүгінде олимпиадалық спорт түрлерінен кетіп жатқандарды да көріп отырмыз. Жалпы бөлінген қаржы олимпиадалық спорт түрлері арасында теңдей бөлінеді, - деді Серік Жарасбаев.
Айта кетейік, Мәжілістің әлеуметтік-мәдени даму комитетінде «Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу, сондай-ақ нормаларды шектен тыс (шектен тыс) заңнамалық реттеуді алып тастау туралы» заң жобасы талқыланды.
Оқи отырыңыз: Үкіметтің кеңейтілген отырысы 7 ақпанда болады
