|
04.12.2022 | 17:20
1455

ӘЧ-2022: Англия ширек финалға шыға ала ма

Бүгін Англия мен Сенегал құрамалары кездеседі

ӘЧ-2022: Англия ширек финалға шыға ала ма Getty Images

Қатарда өтіп жатқан футболдан 2022 жылғы әлем чемпионатында бүгін 1/8 финалының екінші ойын күнінде Англия мен Сенегал құрамалары кездеседі, деп хабарлайды Almaty.tv тілшісі ҚазАқпаратқа сілтеме жасап.

Кездесу елорда уақытымен 1.00-де басталып, «Qazaqstan» және «Qazsport» телеарналарынан тікелей эфирде көрсетіледі.

Ойын Эль-Қаур қаласындағы 68 965 жанкүйерге арналған «Эль-Байт» стадионында өткізіледі. Бас төреші – сальвадорлық Иван Бартон. Оған отандасы Давид Моран Сантос пен АҚШ-тан барған Кэти Несбитт көмекшілік жасайды. Қосалқы төреші – гондурастық Саид Мартинес.

FIFA рейтингінде Англия - 5, Сенегал 18-орында тұр.

Екі құрама өзінің тарихында тұңғыш мәрте кездесіп отыр.

Топтық кезеңде Англия В тобында ойын көрсетті. Иранды 6:2, Уэльсті 3:0 есебімен жеңіп, АҚШ-пен 0:0 есебімен аяқтады.

Ал, Сенегал А тобында Қатарды 3:1, Эквадорды 2:1 есебімен жеңіп, Нидерландқа 0:2 есебімен жеңілді.

Сондай-ақ, 4 желтоқсанда елорда уақытымен 21.00-де Франция мен Польша кездесуі «Qazaqstan» мен «Qazsport» телеарналарынан көрсетіледі.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир