Қарағанды фармацевтикалық кешені «Спутник V»-дың тағы 2 млн дозасын шығарады

Қарағанды фармацевтикалық кешені тамыз-қыркүйек айларында қазақстандық нарыққа «Спутник V» вакцинасының 2 млн дозасын шығарыды, деп хабарлайды Almaty.tv тілшісі Sputnik Қазақстанға сілтеме жасап.

«Кешен мен «СК-Фармация» арасында тиісті келісімге қол қойылды. Орындау мерзімі –  2021 жылдың тамыз-қыркүйек айлары», делінген хабарламада.  Бұған дейін кешен Қазақстан азаматтарына арналған вакцинаның 5 миллион дозасын шығарған болатын. «Спутник V» – коронавирус инфекциясына қарсы ресейлік препарат.  Ақпан айында Қазақстан «Спутник V» вакцинасын тіркеп, Қарағанды фармацевтикалық кешенінде шығара бастады.  Бұл вакцина тұрғындардың жалпы саны 3,5 миллиард адамнан асатын 67 елде мақұлданды.