|
19.11.2021 | 21:02
3600

Алматыға Pfizer вакцинасының кезекті партиясы келді

Алматыға Pfizer вакцинасының кезекті партиясы келді Almaty.tv

18 қарашада Алматыға Pfizer (Comirnaty) компаниясы шығарған COVID-19-ға қарсы вакцинаның кезекті партиясы келді. Жүк құрамына 266 760 доза кірді. Pfizer компаниясымен жүргізілген келіссөздердің қорытындысы бойынша бірыңғай дистрибьютор барлығы 4 млн 230 мың доза сатып алған, деп хабарлайды Almaty.tv тілшісі «СҚ-Фармацияның» баспасөз қызметіне сілтеме жасап.

Қабынуға қарсы препаратты америкалық Pfizer компаниясы және Германияның BioNTech технологиялық компаниясы шығарған. Comirnaty Pfizer/BioNTech вакцинасын ДДСҰ шұғыл пайдалануға рұқсат еткен.

Келген вакцина ҚР ДСМ СЭБК-нің рұқсаттамасына сәйкес жедел түрде еліміздің өңірлеріне жіберілді. Comirnaty вакцинасын жеткізу тікелей облыстық Денсаулық сақтау басқармаларының қоймаларына жүзеге асырылады. Вакциналарды тасымалдау «суық тізбек» қағидаты бойынша жүргізіледі — әрбір кезеңде температуралық режимді қатаң сақтау қамтамасыз етіледі. Сонымен қатар, әр деңгейде өзінің жауапты ұйымы және жауапты тұлғалары бар.

Вакцина логистикасының операторы – Comirnaty вакцинасын тасымалдауға мамандандырылған Pfizer компаниясының серіктесі саналатын UPS халықаралық логистикалық компаниясы. UPS компаниясы вакциналарды ультра төмен температуралық режимді қолдайтын Pfizer компаниясының Softbox арнайы тасымалдау контейнерлерінде тасымалдайды.

Pfizer компаниясы тиімді тасымалдау, сақтау және температураны бақылау үшін толық логистикалық жоспарлар мен құралдарды жасады. Суық тізбекті сақтай отырып, вакцинаны сақтау және тасымалдау туралы нақты нұсқаулар бар.

«Вакцинаны сақтау жөніндегі нұсқауларды нақты орындау және жағымсыз салдардың алдын алу үшін Comirnaty вакцинасын жеткізуге және қолдануға дайындық шаралары жүргізілді. Еліміздің бас санитарлық дәрігері халықты коронавирустық инфекцияға қарсы Comirnaty вакцинасымен вакцинациялау бойынша әдістемелік ұсынымдарды бекітті», – делінген хабарламада.

Comirnaty препаратымен вакцинация жүргізілетін барлық медициналық ұйымдар дайындық жүргізді. Өндіруші ұсынған суық тізбекке қойылатын талаптарға сәйкес ультра төмен температура -60 -90 Со режимінде сақтауға арналған мұздатқыш жабдықтар сатып алынды. Сондай-ақ, вакцинаны енгізу және сұйылту үшін қажетті шприцтер қоры сатып алынды.

Pfizer компаниясы вакцинацияға қатысатын тиісті қызметкерлерді вакцинамен дұрыс, қауіпсіз және тиімді жұмыс істеуге және оны қолдануға үйретті. Pfizer фармацевтикалық компаниясының Қазақстандағы өкілдігі Comirnaty вакцинасы туралы қазақ және орыс тілдеріндегі мамандандырылған нұсқаулық-сайт іске қосты. Сайтта вакцина, оны қолдану және сақтау әдістері, клиникалық зерттеулердің нәтижелері туралы барлық ақпарат бар.

Бірыңғай дистрибьютор «СҚ-Фармация» ЖШС-і үшін дәрі-дәрмектерді сатып алу және дистрибьюциялау кезінде сапасы мен қауіпсіздігіне, сондай-ақ вакциналарды сақтау және тасымалдау кезінде температуралық режимді сақтауға басымдық беріледі.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир