Павлодар полициясы 27 жылдан кейін күдіктіні тапты

Жаңалықтармен бөлісіңіз

27 жыл бойы іздеуде жүрген күдікті Ресейде қолға түсті, деп хабарлайды Almaty.tv.

Оған 1999 жылы Павлодар қаласында жасалған қарақшылық шабуылға байланысты іздеу жарияланған. Павлодарлық полицейлер оны Мәскеу қаласында ұстады.

Ішкі істер министрлігінің мәліметінше, биыл алғашқы 10 айда іздеуде жүрген 82 қылмыскердің 73-інің орналасқан жері анықталған. Олардың арасында адам өлтіру дерегі бойынша іздеуде болған бір, қарақшылық шабуылға қатысы бар үш және тонау дерегі бойынша ізделген тағы үш адам бар.