Наурыз айының ортасынан бастап күн жылынады. Яғни, ауа райы температурасы 15 градусқа көтеріледі деп болжануда. Қазгидромет орталығының мәліметінше, жауын-шашын түсуі мен таулы аймақтардағы қарлардың еруіне байланысты су деңгейінің артуы байқалады. Ал алдағы күндері, яғни 28-ақпан мен 1 наурызда күн жылы болып, ауа температурасы 10-12 градус жоғары болады деп күтілуде. Атмосфералық фронттар әсерінен кей жерлерде қар жауып, республиканың солтүстік жартысында боран соғып, еліміздің оңтүстік жартысында жауын-шашын, жаңбыр, қар, тұман және көктайғақ күтіледі.
«Атмосфералық фронттардың өтуіне байланысты наурыздың 1-і күні, күннің екінші жартысында және 2 наурызда тұрақсыз жауын-шашын ауа райы күтіледі. Ауа температурасы шамамен түнде 2, 7 градус аяз, ал күндіз 2,7 градус жылы болады деп болжануда. Наурыз айының орташа айлық мәніне келетін болсақ, көпжылдық мәндерден 1-2 градусқа жоғары болады деп күтілуде. Яғни, 1-3 декадада яғни наурыз айының ортасынан бастап ауа темапературасының 5-7 градусқа, күндіз 15 градусқа көтерілуі байқалады»,- деді «Қазгидромет» РМК Алматы қаласы бойынша инженер-синоптигі, Ақзер ӘШІМ.
