Алматы әкімі Ерболат Досаев жұмыс сапары және Медеу ауданының тұрғындарымен кездесу барысында жаяу жүргіншілердің денсаулық жолы құрылысының барысымен танысты, деп хабарлайды Almaty.tv.
Алматы тұрғындарының Көктөбеге қатысты өтініштерін ескере отырып, қала әкімінің тапсырмасы бойынша 2023 жылдың қазан айында жаяу жүргіншілерге арналған денсаулық жолының құрылысы басталған еді. Бұрын бұл жол жаяу жүргіншілерді жол бойымен жүру қажеттілігін ескермей жобаланған болатын, соның салдарынан қала тұрғындары қауіпті жол бойымен жүруге мәжбүр болды. Денсаулық жолы пайдалануға берілген кезде бұл мәселе шешімін табады. Саябаққа апаратын жолдың ұзындығы 1,2 км.
«Меркур холдинг» ЖШС бас директоры Есенғали Байменов қала басшысына баяндағандай, қазіргі уақытта соқпақтың негізі аяқталды, асфальтталды және шекаралар орнатылды. Алдағы уақытта кіру тобын, екі қарау алаңын, баспалдақ жолын құру, сондай-ақ орындықтар мен қоршауларды орнату жоспарлануда. Маршрут басталар алдында саябақ аймағы құрылады, онда бұрын абаттандырылмаған учаске болған.
Қала басшысы бірқатар елеулі кемшіліктерге назар аударды: біріншіден, ол Көктөбе саябағына кіре берістегі шлагбаумдар маңындағы кеңістікті жабдықтау қажеттігін атап өтті. Жаяу жүргіншілер жолының өзіне келетін болсақ, әкім қазіргі уақытта бұл бағытта жарықтың және қала тұрғындары ұстап өтетін тұтқалардың жоқтығы айтылды.
Ерболат Досаев мұнда келушілер мен туристер үшін іске асырылып жатқан жобаның маңыздылығын айтты, әсіресе қала тұрғындарының қауіпсіздігі барынша өзекті мәселе екенін атап өтті.
Айта кетейік, бұл жоба жеке инвестициялар есебінен жүзеге асырылуда.
Жалпы, алдағы жылдары Алматыда көбірек қоғамдық кеңістіктер пайда болады. Есентай, Үлкен Алматы өзендерінің бойындағы жағалауларға реконструкция жүргізіледі. 2024 жылы жаяу жүргіншілерге бағдарланған ұзындығы 17 км Райымбек даңғылын қайта ұйымдастыру жоспарлануда, Пушкин көшесі бойынша Гоголь көшесінен Райымбек батыр даңғылына дейінгі ұзындығы 1,1 км жаяу жүргіншілер аймағын абаттандыру жоспарлануда.
Оқи отырыңыз: Алматы әкімі Ерболат Досаев 2000 орынды мектеп құрылысының барысымен танысты
