Алматылық дәрігер қызылшаның балаларда қандай күрделі зардаптарға әкелетінін айтты, деп хабарлайды Almaty.tv тілшісі қалалық Денсаулық сақтау басқармасының баспасөз қызметіне сілтеме жасап.
Қызылша - балаларда ауыр асқынулар тудыруы мүмкін аса жұқпалы вирустық ауру.
Алматы қалалық №11 емхананың педиатр дәрігері Гүлжанат Аққозиева ауыр зардаптардың бірі – өкпенің, мидың және басқа да мүшелердің қабынуы екенін айтады.
Сонымен қатар қызылша балаларда әртүрлі асқынуларды тудыруы мүмкін, соның ішінде құлақ инфекциялары, диарея және құрысулар.
Бұл асқынулар ауыр болуы мүмкін және ауруханаға жатқызуды және мамандандырылған емдеуді қажет етеді.
Ұзақ мерзімді салдардың арасында дәрігер есту және көру қабілетінің бұзылуын, психомоторлық дамудың кешігуін және жүрек проблемаларын атап өтті.
Қызылша ауа тамшылары арқылы таралатындықтан және мектептер, балабақшалар сияқты қоғамдық орындарда және әдетте адам көп жиналатын жерлерде өте тез таралатындықтан, балаларыңызды вакцина ғана қорғай алатынын атап өтті.
- Балалардағы бұл аурудың алдын алудың ең тиімді жолы – вакцинация. Бірінші вакцинация балаларға 12 айлық жаста, екіншісі 6 жаста жасалады. Бүгінгі таңда қалалық емханаларда 6 айдан 10 ай 29 күн, 2 жастан 4 жасқа дейін 11 ай 29 күнге дейін қызылша, қызамық және паротитке қарсы қосымша жаппай иммундау жүргізілуде, - деп атап өтті Аққозиева.
Вакцинация ата-анасының жазбаша келісімімен тұрғылықты жері бойынша қалалық емханалардың барлық егу кабинеттерінде тегін жүргізіледі.
Вакцинация арқылы қызылшаның таралуын болдырмау және бақылау, балалардың денсаулығын сақтау мен ықтимал асқынулардың алдын алудың негізгі шаралары екенін тағы бір рет еске саламыз.
Оқи отырыңыз: Қауіпті антибиотик: СҚО әйел мен бала өлім аузынан қалды
