|
19.05.2020 | 17:11
6282

Сыбайлас жемқорлыққа қарсы қызмет онлайн парасаттылық сағатын өткізді

Парасаттылық сағаты «Ұлы Абай мұрасы туралы» тақырыбында өтті

Сыбайлас жемқорлыққа қарсы қызмет онлайн парасаттылық сағатын өткізді стоп-кадр

Сыбайлас жемқорлыққа қарсы іс-қимыл агенттігі сыбайлас жемқорлыққа қарсы дүниетанымды және жас ұрпақтың парасаттылығы мен адалдығын қалыптастыру мақсатында бүкіл ел бойынша тұрақты негізде «Парасаттылық сағаты» акциясын өткізуде, деп хабарлайды Almaty.tv.

Оқушылар арасында білімнің маңыздылығын түсіндіру бойынша «Парасаттылық сағаты» дәстүрлі форматының орнына бұл жолы онлайн өткізілді.

Онлайн-дәріс «Парасаттылық-Ұлы Абайдың мұрасы» тақырыбында өткізілді. Тақырып кездейсоқ таңдалмаған. Биыл Қазақстан Ұлы ойшыл және ақын Абай Құнанбаевтың 175 жылдық мерейтойын атап өтеді.

Абай философиясы біздің халқымыздың мәдениеті мен ұлттық бірегейлігінің ажырамас бөлігі болды. Абайдың терең ойлары біздің идеологиямыз құрылысының негізіне жатады.

Абай Құнанбаев өскелең ұрпақты адал және парасатты, еңбекқор болуға, тұрақты дамуға, қайырымдылыққа ұмтылуға шақырды.

«Абай және ХХІ ғасырдағы Қазақстан» мақаласында Мемлекет басшысы Қ. Тоқаев атап өткендей: «Абайды тану-өзіңді тану. Өзіңді тану, тұрақты өсу, ғылымды зерттеу, білім беру-даналық. Абай сөзі ұрпақтың бағдары болуы керек».

Аталған акция аясында республика бойынша жоғары сынып оқушылары мен жоғары оқу орындары мен колледждердің бірінші курс студенттері қамтылды.

Бейне-дәрістер «EL ARNA» және «Balapan» телеарналарында, Youtube-арнасында және Сыбайлас жемқорлыққа қарсы қызмет парақшаларында көрсетілді.

«Акция ұйымдастырушыларына осындай дәріске рахмет айтқым келеді. Бұл дер кезінде көрсетілуде және өте маңызды. Абай Құнанбаев-ұлы ақын, композитор, ойшыл, ағартушы және қоғам қайраткері. Оның еңбектері патриотизмге, білімге, еңбекқорлыққа, әділдікке және үнемі өзін-өзі жетілдіруге негізделген, қоғамда құндылықтардың дұрыс жүйесін қалыптастыруға бағытталған. Біз балалардың дүниетанымын өзгеруіне сенімдіміз», -  Алматы қаласының 15 гимназия оқушысының анасы Ақмарал Камиева айтты.

Өз кезегінде Алматы жоғары оқу орындарының студенттері қазақ ойшылының мұраларын зерттеу әрбір қазақстандық үшін өте маңызды екенін атап өтті.

«Қазақ халқының Абайсыз дамуын елестету мүмкін емес. Біз осындай акциялар өткізілетініне қуаныштымыз. Осылайша, біз жас ұрпақтың адамгершілік құндылықтарына лайықты үлгі болуға тырысамыз», - Абай атындағы ҚазҰПУ студенті Меруерт Шажағұлова  пікірімен бөлісті.

Агенттік қоғамда парасаттылық идеологиясын ілгерілету бойынша жүйелі жұмысты жалғастыратын болады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир