Қарағандының Октябрь ауданы Әлихан Бөкейхан деп аталды

Салтанатты шарада әкім жақын арада Қарағандыда Бөкейхановқа арналған ескерткіш ашылатынын мәлімдеді

Қарағандының Октябрь ауданы Әлихан Бөкейхан деп аталды

Қарағандының Октябрьский ауданы Әлихан Бөкейхановтың есімімен аталатын болды, деп хабарлайды Almaty.tv тілшісі ҚазАқпаратқа сілтеме жасап.

«Жуырда Қарағанды облысы Әлихан Бөкейхановтың 150 жылдығын атап өтті. Оның туған жері, Ақтоғай ауданында Алаш Орда лидерінің ескерткіш мүсіні ашылды. Өңір басшысы Нұрмұхамбет Әбдібеков «Алаш алаңы» алаңындағы монументке гүл шоқтарын қойып, ғылыми-тәжірибелік конференцияға қатысты», - делінген облыстық әкімдіктің баспасөз хабарламасында.

Салтанатты шарада әкім жақын арада Қарағандыда Бөкейхановқа арналған ескерткіш ашылатынын мәлімдеді.

«Облыс орталығының Октябрьский ауданына Алаш Орда лидерінің есімі беріледі» деді әкім.

«Әлихан Бөкейхан қоғам және мемлекеттік қайраткері. Сонымен қатар ол ХХ ғасырдың зияткері, дарынды ғалым мен публицист болған. Ол саналы ғұмырын қазақ халқының еркіндігі үшін күреске арнады. Бүгінгі шара - бұл атаулы күнді тойлаудың бастамасы ғана», - деп атап өтті Әбдібеков.

Әлихан Бөкейхановтың гипстен жасалған мүсіні Ақтоғай ауылындағы оның есімімен аталатын орта мектептің аумағында орналасқан. Оны Суретшілер одағының Қарағанды бөлімшесінің шеберханасында дайындады. Авторы – Виктор Арент. Мүсіннің биіктігі 3 метр.

1998 жылы Ақтоғайда «Үш арыс» Әлихан Бөкейханов, Жақып Ақбаев және Әлімхан Ермековке ескерткіш орнатылды. 2013 жылы монумент маңында «Алаш алаңы» алаңы абаттандырылды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир