Бақытжан Сағынтаев үшінші рет вакцина салдырды

Қала әкімі Бақытжан Сағынтаев 3-рет вакцина салдырды. Бұл туралы ол «Алматы» телеарнасындағы Akimat LIVE бағдарламасында айтты, деп хабарлайды Almaty.tv.

«Құрметті қала тұрғындары! Сіздерді тағы да вакцина алуға шақырамын. Тек екпе алу арқылы ғана біз қалыпты өмірге ораламыз. Бұл туралы бүкіл әлем айтып жатыр. Тағдырыңызды сынға салудың қажеті жоқ. Қауіпті індетті жұқтырып, жансақтау бөлімінде жатқандар, емделіп шыққандар «Бірден екпе алу керек еді» деп өкініш білдіреді. Мен өзім үшінші рет вакцина салғыздым. Сондықтан сіздерді де вакцина алуға шақырамын», - деді мегаполис басшысы.