|
22.12.2021 | 19:51
2427

Б. Сағынтаев қала тұрғындарын вакцина алуға және ревакцинацияға баруға шақырды

Бүгінде Алматыда КВИ дертінің төмендеуі ұжымдық иммунитеттің 58%-ына қолжеткізудің арқасында мүмкін болды

Б. Сағынтаев қала тұрғындарын вакцина алуға және ревакцинацияға баруға шақырды Almaty.tv

Қала әкімі Бақытжан Сағынтаев мегаполистегі эпидемиологиялық ахуалдың дамуы және жағдайды қиындатуы мүмкін  жаңа омикрон штаммының таралу қаупі туралы айтып берді. «Алматы» ТА-дағы Akimat Live бағдарламасының тікелей эфирінде әкім қала тұрғындарды санитарлық қауіпсіздік шараларын сақтауға шақырды, деп хабарлайды Almaty.tv.

Соңғы 7 күнде КВИ дерті өткен апталармен салыстырғанда 249 оқиғадан 223 жағдайға дейін төмендеді, тәулігіне 30-35 жағдай тіркелді. Инфекция жұқтырудың эпидемиологиялық көрсеткіштері 1 науқастан 1 адамнан аз жұққанын көрсетеді (бүгінгі күнгі R саны 0,8).

Айта кетерлігі, жыл басынан бері қалада 164 477 КВИ және 1 449 ковидті пневмония тіркелген. Желтоқсан айында Алматыда 1000-1300 КВИ жағдайы болжануда, 22 желтоқсанда 884 жағдай тіркелді.

Соңғы аптада жасы бойынша  дерт жұқтырғандардың үлесі: 20-59 жас – 55%, 60 жас және одан жоғары – 25%, 14 жасқа дейінгі балалар - 15 %, жасөспірімдер 5%-ды құрады. Оның ішінде өзін-өзі жұмыспен қамтыған және жұмыс істемейтін азаматтар – 31%, ұйым,ЖШС, ЖК қызметкерлері – 21%, зейнеткерлер – 20%, оқушылар – 11%, мектеп жасына дейінгі балалар – 7%, студенттер – 3%, басқалар – 7%. Алматылықтар дертті көбінесе қоғамдық көліктерде (36%), сауда нысандарында (34%) және отбасыларда (25%) жұқтырады.

Бүгінде Алматыда КВИ дертінің төмендеуі ұжымдық иммунитеттің 58%-ына (вакциналанғандардың 50%-ы және жыл басынан бері ауырып ауырғандардың 8%-ы) қолжеткізудің арқасында мүмкін болды. Сондықтан қала әкімі Б. Сағынтаев алматылықтарды, оның ішінде жасөспірімдер мен тәуекел  тобындағы қалалықтарды белсенді түрде вакциналануға шақырды. Алғашқы егуді алғандар дәрігерлер ұсынған мерзімнен кейін ревакцинациядан өтулері тиіс.

Айта кетерлігі, пандемияның жаңа толқыны әлемде таралуын жалғастыруда. «Омикрон» штаммы әлемнің 106 елінде тіркелген, оның ішінде ұжымдық иммунитеттің жоғары деңгейі бар – АҚШ, Ұлыбритания, Германия және басқаларында.

Алматыда жаппай вакциналану қажет, өйткені қалалық санэпидқызметтің талдау тобы мамандарының болжамы бойынша Алматыда COVID-19 омикрон штаммының тіркелуі әбден мүмкін. Эпидемияның кезекті толқыны 2022 жылғы қаңтардың ортасында күтілуде, наурыз айының ортасына қарай өршуі ықтимал.

Қала әкімі эпидемиологиялық жағдайы нашар елдерден «омикрон» инфекциясының Қазақстанға әкелінуінің алдын алу үшін профилактикалық жұмыстардың кеңінен жүргізіліп жатқанын атап өтті.Мәселен, 3-20 желтоқсан аралығында Алматыға шетелден 49,4 мың жолаушысы бар 344 рейс қонды. Оның ішінде ПТР анықтамаларымен – 29,7 мың, вакцинация паспортымен – 20 мың, «омикрон» штаммы тіркелген елдерден – 2,9 мың жолаушы келді. Барлығы медициналық бақылауға алынып, 7 күн бойы оқшауланды. Кейіннен олардың арасында КВИ-мен ауыратын 5 науқас анықталды, олардың барлығы инфекциялық стационарда оқшауланды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

Прямой эфир