Алматыда спортпен айналысу үшін Halyk Arena қайта ашылады

Мегаполис әкімі Бақытжан Сағынтаев «Алматы» телеарнасындағы Akimat Live бағдарламасының тікелей эфирі барысында КВИ бойынша санитарлық-эпидемиологиялық ахуал туралы айтып берді, деп хабарлайды Almaty.tv.

10 қарашада қалада коронавирустық инфекцияның 179 754 жағдайы тіркелген, оның ішінде 156 439 жағдай симптомды және 23 315-і симптомсыз, анықталмаған пневмония – 2 671.

9 қарашада коронавирустық инфекцияның 134 жағдайы тіркелді,оның 130-ы симптомдармен, 8-і анықталмаған пневмония. Тәуліктік өсім – 0,7%. Репродуктивті саны-0,883.

Инфекциялық стационарларда жалпы қуаты 2334 төсек-орын 793 адам (20 бала), оның ішінде 33-і аса ауыр, 343-і ауыр, 417-І орташа ауыр жағдайда. ОРИТ-те-86 науқас. ӨЖЖ-16, инвазивті емес ӨЖЖ – 45, High flow-да 20 аппарат жұмыс істейді.

Бүгінде үйде АМСК мобильді бригадаларының және Телемедицина орталығының бақылауында 1 506 пациент бар, оның 64-і симптомсыз, 1 394-інің жағдайы жеңіл, 47-сі орташа және 1-і ауыр дәрежелі.

КВИ дертін тәуліктік тіркеу санының азаюына байланысты үшінші эшелонның инфекциялық стационарларындағы төсек-орындар қысқартылуда. Соның ішінде Halyk Arena спорт кешеніндегі ковидтік госпитальдің жұмысы тоқтатылады. Келесі айда оны негізгі профиль бойынша бұрынғы жұмыс режиміне қайтару жоспарлануда.

Б. Сағынтаев сондай-ақ 11 қарашада жеткізілетін «Комирнати» (Pfizer, АҚШ) мРНК-вакцинасымен вакциналауға дайындық туралы хабарлады.

Жалпы, 10 қарашадағы жағдай бойынша вакцинаны 1 004 163 адам алды. Егілгендердің жалпы санынан 60 жастан асқандар  121 380 адамды (12,1%) құрайды. Бүгінде медициналық ұйымдарда, мектептерде, мәдениет, спорт объектілерінде, базарларда және қаланың СОО-да 137 вакциналау пункті жұмыс істейді.

Алматы әкімі Б. Сағынтаев қала тұрғындарын коронавирусқа қарсы екпе алуға шақырды. Жақында ревакцинация басталатынына қарамастан, кейбір қала тұрғындары вакцинаның алғашқы компонентін әлі алған жоқ. Қала әкімінің айтуынша, алматылықтар өздерін және жақындарын қорғау үшін жауапкершілік танытып, вакциналаудан өткендері жөн.