Нұрсұлтан Назарбаев Геннадий Головкинді жеңісімен құттықтады

baigenews.kz

Бұл барша қазақстандықтар үшін Тәуелсіздік күніне орай тамаша сый болды – Елбасы

Елбасы Геннадий Головкинді Камил Шереметамен жекпе-жекте айқын жеңіске жетуімен құттықтады, деп хабарлайды Almaty.tv тілшісі elbasy.kz-ке сілтеме жасап.

«Осы жеңіс арқылы сен өз дивизионыңда 21-ші рет әлем чемпионы атанып, қазақстандық және әлемдік бокс тарихы жылнамасының жаңа парағын аштың. Бұл барша қазақстандықтар үшін Тәуелсіздік күніне орай тамаша сый болды деп ойлаймын.

Біз сенің спорттағы жарқын жетістіктеріңді, мықты рухыңды және жеңіске деген жігеріңді мақтан етеміз. Сенің жеңімпаз ретінде өз жолыңды жалғастыратыныңа сенімдімін және сенің жетістіктеріңе әлі талай сүйсінетін боламыз», – делінген жеделхатта.