Алматы облысында 9 сарбаз полигондағы жарылыстан зардап шекті

Қазақстандық 9 сарбаз полигондағы анықталмаған заттың жарылуынан зардап шекті. Жойқын жарылыс бүгін алқапты оқу-жаттығуға дайындау алаңында орын алған.

Бұл туралы Еліміздің Қорғаныс министрлігінің баспасөз қызметі хабарлады.

Зардап шеккендердің қазіргі хал-жағдайы туралы нақты ақпарат жоқ. Тек белгілісі, сержант Ахметов жарылыстан алған жарақатына қарамастан, 3 шақырым жолды камазбен жүріп өтіп, оқиға туралы дер кезінде хабарлап үлгерген.

Аталған дерек бойынша тергеу жүріп жатыр.