Алматыда автобус отқа оранды

Алматыда жолаушылар автобусы өртеніп кетті.

№137 қоғамдық көлігі Наурызбай ауданының Шұғыла шағын ауданына келгенде автобустың  артқы жағынан қою түтін бұрқ ете қалған. Жарты сағатта ауыздықталған қызыл жалынның  кесірінен көліктің 20 шаршы метр жері жанып кеткен.

«Алматыэлектротранс» жауапкершілігі шектеулі серіктестігіне тиесілі автобуста жолаушылар болмағандықтан ешкім зардап шекпеген. Өрттің шығу себебін арнайы тексеріс сараптамасы анықтамақ.