Баланы ұрған әйел қамауға алынуы мүмкін

«Инстаграмм» әлеуметтік желісінде әйелдің кәмелет жасқа толмаған балаға дөрекі іс-әрекет жасағаны бойынша кезекті бейнежазба жарияланды.

Аталған жайт бойынша тексеру жұмыстары жүргізілуде, әйелдің жеке басы және оның жуырда жарияланған бейнежазбаға қатысы бар-жоғы анықталуда, деп хабарлайды Шымкент қаласы ПД-нің баспасөз қызметі.

Бірінші жайт бойынша ҚР ҚК-нің 140-бабымен сотқа дейінгі тергеу амалдары жүргізілуде және аталған бапқа сәйкес, 200 айлық есептік көрсеткішке дейінгі мөлшерде айыппұл салуға немесе сол мөлшерде түзеу жұмыстарына немесе 180 сағатқа дейінгі мерзімге қоғамдық жұмыстарға тартуға не 60 тәулікке дейінгі мерзімге қамаққа алуға жазалануы көзделген.

Әйелге қатысты тиісті сараптама тағайындалды.