Геннадий Головкин бокстан кетуі мүмкін

BoxingInsider.com сайты қазақстандық боксшы Геннадий Головкиннің (38-1-1, 34 КО) болашағы туралы айтты, деп хабарлайды Sports.kz сайты.

«Головкин жақында берген сұхбатында бокстан кететінін астарлап айтып, көп уақытын отбасымен бірге өткізгісі келетінін мәлім еткен еді. Ол Альваресті ұзақ уақыт күте ала ма, әлде  бұл оның шынымен таңдаған жолы ма, ол жағы әзірге белгісіз. Мәні бар жалғыз жол - осы айда болатын WBA «тұрақты» чемпионы Риота Муратаның Роберт Брантпен айқасының жеңімпазын күту. Головкин Муратамен Жапонияда айқасып, үлкен гонорарға кенелуі мүмкін. Бұл ол үшін ең тиімді нұсқа болмақ. «Канеломен» үшінші жекпе-жек әзірге белгісіз, себебі, Головкиннің мүмкіндігі мен уақыты шектеулі», - деп жазады сайт.