Шымкентте бір күннің ішінде 717 әкімшілік құқықбұзушылық анықталды

Шымкент қаласында бір күннің ішінде 717 әкімшілік құқықбұзушылық анықталды, деп хабарлайды Аlmaty.tv тілшісі Шымкент қалалық  Полиция департаментінің баспасөз қызметіне сілтеме жасап.

Жедел профилактикалық іс-шарасының тәулік ішінде жалпы 49 қылмыс тіркеліп, оның – 38 ашылған, іздеуде жүрген – 1 , есірткі заттарын сақтау және тасымалдау үшін – 1 және атыс қаруын алып жүргені үшін – 2 қылмыскер ұсталған.

Сондай-ақ 717 әкімшілік құқықбұзушылық анықталған, оның ішінде: ұсақ бұзақылық – 18; қоғамдық орындарда мас күйде болу – 45; мас күйде автокөлікті басқарғаны үшін – 3; қарсы бағытқа шығу – 2; қауіпсіздік белбеуін немесе мотошлемдерді қолдану ережелерін сақтамау – 49; Қазақстан Республикасында болудың белгіленген ережелерін бұзу – 6.

Сонымен қатар, жедел профилактикалық іс-шара барысында полицейлер қабылдап-тарату орындарына – 19 , ал уақытша уытсыздандыру және интоксикация орталықтарына – 38  азаматты жеткізді.

Айта кетейік, 12-14 желтоқсан аралығында Шымкент қаласында «Құқықтық тәртіп» жедел профилактикалық іс-шарасы өткізілуде.

Іс-шараның басты мақсаты «Қазақстан Республикасының Тәуелсіздігі күнін» мерекелеу қарсаңында көшелерде және қоғамдық орындарда тиісті құқықтық тәртіпті сақтау, қылмыстарды алдын алу және жолын кесу болып табылады.