Алматыда 3 қабатты ғимарат өртеніп жатыр

Алматыда Бостандық ауданында 3 қабатты ғимарат өртеніп жатыр, деп хабарлайды ҚазАқпарат.

Қалалық ТЖД баспасөз қызметінің хабарлауынша, Ұлан көшесіндегі 37 үйдің шатырын жанып жатыр. Өртті сөндіруге 50 адам, 13 техника жұмылдырылды. Ол өте күрделі дережедегі өрт деп белгіленді. Өйткені алапат жалынды ауыздықтау үшін өрт сөндірушілер екі учаскеге бөлініп жұмыс жасап жатыр.  

Тілсіз жаудан 20 адам қауіпсіз жерге көшіріліп, 1 адам құтқарылды.

Бастапқы бақылау бойынша, қызыл жалын 260 шаршы метр аумақты шарпығаны анықталды.