Ақтөбеде Айша деген атпен танымал секс-индустрия қызметшісі - 4 баланың анасы үшінші қабаттың балконынан секіріп кеткен. Бұл туралы «Ақтөбе Таймс» газетіне қоғамдық полиция көмекшісі Сәнімжан Шұғайыпова хабарлады.
Оқиға 5 қыркүйекте сағат түнгі 23.00-де 8 Наурыз көшесіндегі №12 үйде болған. Бастапқыда суицид жасауды ойлаған әйел соңғы сәтте райынан қайтып, балкондағы кір жаятын жіпке ілініп қалған. Таяу маңда полицейлер болған. Үш ер адам пәтерге кіріп келіп, Айшаны құтқарған, деп жазды tengrinews.kz.
Сәнімжан Шұғайыпованың айтуынша, ол Айшаны да, осы салада қызмет ұсынатын басқа да секс-жұмысшыларды да таниды екен. Бүкіл аумақты өз қарамағына алған 46 жастағы Мамка Галя лақап атымен белгілі «жеңгетайды» да біледі екен.
«Менің білуімше, сауналарда оның сегіз жезөкшесі жұмыс істейді. Ол сауналардың иесі емес. Ол жезөкшелерді көлікке отырғызып алып, клиенттерге апарады. Жезөкшелері үш саунада жұмыс істейтінін білемін. Галяның вокзал алдындағы алаңда 10-15 жезөкшесі барын білемін. Олардың кейбірінің аты-жөні де белгілі - Жанна Норка, Жанна Сыған, Ләззат, Сәуле, Наташа, Айжан, Аида, Мира, Гоша, Индира. Жанна деген тағы біреуі тұрмысқа шығып кеті. Ал Зүлфия басқа саунаға жұмыс істеуге кетіп қалған», - дейді осымен 10 жыл жезөкшелікпен күресіп жүрген полиция көмекшісі.
Сондай-ақ, ол Айшаның «жеңгетаймен» арадағы жанжалдан кейін суицид жасағысы келгенін айтып берді.
«Галя Айшаның шақырып алып, күні бойғы табысын сұраған. Айша оған 13 мың бергенін айтқан. Бірақ бұл жеңгетайға аз көрініп, күніне 50 мың шығатынын айтқан. Осыдан кейін жеңгетай Айшаны шешіндіріп, соққыға жыға бастаған. Ұятты жерінен тепкен. Сосын көрші пәтерге апарып, сонда қамап қоюды тапсырған. Қан-жоса болып соққы алған Айша содан кейін секіріп кетпек болған... Мамка Галя қылмысын жасыру үшін бірде Оралда, бірде Атырауда жүр», - дейді Шұғайыпова.
Басылымның мәліметінше, істі өңірлік полиция қолға алған.
