Оралдық мұғалімнің туберкулездің ашық түріне шалдыққаны белгілі болды

Оралдағы білім ошақтарының бірінде дене шынықтыру пәнінің мұғалімі туберкулездің ашық түріне шалдыққаны белгілі болды, деп хабарлайды tdk42.

Ұстаздың ауруға шалдыққаны өзінің тұрғылықты мекенжайы бойынша жергілікті емханаға қаралу барысында белгілі болған. Соңғы рет мұғалім тексерістен осы жылдың шілде айында өткен көрінеді.

Әзірге инфекциялық аурудың 3 ай ішінде өршіп кетуінің себебін арнайы мамандар анықтауда.

Ал дене шынықтыру пәнінің мұғалімі туберкулезге қарсы диспансерге жатқызылды.

Аталған жағдай бойынша Батыс Қазақстан облысының қоғамдық денсаулық сақтау департаментінің мамандары жоспардан тыс тексеру жұмысын жүргізген.