Синоптиктер -42 градус аязға байланысты мәлімдеме жасады

Қазгидромет мамандары мессенджер арқылы тараған -42 градус аяз туралы хабарламаны жоққа шығарды.

«Бұл 2018 жылдың 23 қаңтарында берілген хабарлама. Ол кезде осындай аяз болған», – дейді Қазгидромет мамандары.

Синоптиктердің болжамынша, 15-17 қараша күні Қазақстанда жауын-шашынсыз аязды ауа райы болады. Солтүстк өңірде ғана қар жауып, жел соғады.

Бұған дейін қараша айында синоптикалық ауысу процесі болатыны айтылды. Ауа райы тұрақсыз болады. Аязды күн соңы ақырындап жыли бастайды.

Орташа ауа температурасы климаттық нормаға жуық болады. Тек Павлодар мен Шығыс Қазақстан облысында қалыпты мөлшерден 1 градусқа төменді көрсетеді.