Қайғылы оқиға Шығыс Қазақстан облысы Глубокий ауданына қарасты Черемшанка аулынды болды. 11 жастағы баланың денесін күйік шалды, деп хабарлайды stan.kz.
ШҚО ТЖД мәліметінше, бала жанармаймен ойнағанды жақсы көрген. Бұл туралы куәгерлер айтты. Бензинді жағып, зерттеу жасамақ болған. Баласы ойнап отырған уақытта анасы басқа бөлмеде ұйықтап жатыпты. Болжам бойынша, анасы мас күйінде болған. Оқиға орнына өрт сөндірушілер шақырылмаған. Қазіргі уақытта іс полицейлерге берілді.
Төтеншеліктер ата-аналарды сақ болуға шақырды. Балаларға көп көңіл бөліп, қауіпті жағдайда қалдырмауды сұрайды.
Жыл басынан бері ШҚО-да отпен ойнау салдарынан 700 өрт жағдайы тіркелді. Мұның 55-і балалардың салғырттығынан болып отыр.
