Әйел омырауымен жыландарды емізуге мәжбүр болған

Кения тұрғыны бұрынғы күйеуінен көрген қорлығы туралы айтып берді. Айтуынша, күйеуі оны жыландарды емізуге мәжбүрлеген.

Бұл туралы Pulse басылымына сілтеме жасап Stan.kz хабарлайды.

Әйел тұрмысқа шықпай тұрып болашақ күйеуінің үйінде жылан асырайтынын білмеген.

«Мен олардың үйіне барғанда, қонақтар келетінін айтты және оларды көргенде қашып кетпеуімді сұрады. Мен қозғалмай отырдым. Себебі, олар айтқан қонақтардың үйдегі үш жылан екенін білмедім», – дейді ол.

Кениялық әйелдің сөзінше, оған жақындап келген жыландардың бірі омырауын ембек болыпты.

«Мұндай жағдай болып жатқан кезде мен өз баламды емізіп отырдым. Әйтеуір ол үйден қашып шықтым», – дейді әйел.

Алайда, жыландардан құтылу оңайға соқпапты. Күйейуінің туыстары оны жыландарды қант қосылмаған ботқамен қоректендіруге міндеттеген.

Ақыр соңында әйел күйеуімен ажырасып тынған. Десе де, ерлі-зайыптының ажырасуына жыландар емес, күйеуінің жауапсыздығы себеп болыпты. Ол баласына қарағысы келмеген екен.