Алматыда Айманов көшесіндегі учаскеге екіжақты қозғалыс енгізіледі

Алматыда Айманов көшесі бойындағы Жандосов пен Тимирязев көшелері арасындағы учаскеге екіжақты қозғалыс енгізіледі, деп хабарлайды Алматы әкімдігінің баспасөз қызметі.  

«Осыған орай, ұзартылған көлік тұрағын жолдың батыс бетінде жасау қарастырылған. Бұл шара Тимирязев көшесі мен Жароков көшелерінде солтүстік бұрылыстың жоқтығына қарамастан, шығыс бағытқа Жароков көшесіндегі оңтүстік бұрылыс арқылы шығуға мүмкіндік береді», делінген хабарламада.  

Көлік қозғалысының жаңа сызбасы бұл учаскеге биылғы жылдың 28 қыркүйегінен бастап енгізіледі.