|
18.10.2018 | 15:04
2935

21 қазанда Алматыда жылдың соңғы велошеруі өтеді

21 қазанда Алматыда жылдың соңғы велошеруі өтеді

Қазанның 21-і күні «Спорттық Алматы» бағдарламасы аясында велошерудің жабылу маусымы өтеді. Бұл шара қазақстандық спорт журналисті Галина Полеваяға арналады, деп хабарлайды ақпараттық және спорттық ХАБ.

Танымал қазақстандық спорт журналисті Галина Полевая 20 жыл бойы «Хабар» телеарнасында тілші болып қызмет атқарған. Қазіргі таңда Галинаның денсаулығы нашарлап, онкологиялық аурумен күресіп жатыр. Оның емделуіне кез келген велошеру қатысушысы қаржылай көмектесуге мүмкіндігі бар.

Ал қала тұрғындары мен қонақтары таңертең сағат 09:00-де «Нұрлы Тау» бизнес орталығы маңында жиналады. Олар 09:30-да велошеруді бастап Әл-Фабари даңғылы бойымен жүріп 7,5 км қашықтықты бағындырады. Қатысушылар Тұңғыш Президенті саябағында велошеруді аяқтайды.

Сондай-ақ, мәреде барлық қатысушылардың арасында бағалы сыйлықтар мен 10 велосипедтер ойнатылады.

Ұйымдастырушылар өз тарапынан, қатысушыларға арнайы бас киімсіз (шлемсіз) қатысуға тыйым салынатынын ескертеді.

Айта кетер жайт, бұл велошеру «Спорттық Алматы» бұқаралық спортты дамыту мақсатында жүзеге асырылған жоба аясында өткізіледі.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир