«Нұр Отан» партиясы Алматы филиалының төраға орынбасары тағайындалды

«Нұр Отан» партиясының Алматы филиалында кадрлық тағайындау. Бүгін филиал төрағасының бірінші орынбасары болып Станислав Канкуров тағайындалды.  

Станислав Канкуров жақында ғана Қазақстан Республикасы қоғамдық даму вице-министрі болып тағайындалған Жұлдыз Омарбекованың орнына келді.

33 жастағы Станислав Канкуров Алматы облысының тумасы. Үш жоғары білімі бар және 3 тілді жетік меңгерген. «Нұр Отан» партиясында 7 жылдан астам уақыт бойы жұмыс істеп келеді. Ал соңғы бірнеше жылда төрағаның орынбасары қызметін атқарды. Өз кезегінде, Алматы әкімі Бауыржан Байбек Жұлдыз Омарбековаға жемісті жұмыс атқарғаны үшін алғыс айтты.

Сондай-ақ, жаңа басшылықтың алдына партияның қоғамдық қабылдауын модернизациялау, депутаттық фракция мен «Жас Отан» жастар қанатының жұмысын күшейтуді тапсырды.