Алматыда Фариза Оңғарсынованың құрметіне ескерткіш тақта орнатылды

Алматыда поэзия падишасы, мемлекет және қоғам қайраткері Фариза Оңғарсынованың құрметіне ескерткіш тақта қойылды.

Мемориалды тақтайша қаладағы Шевченко мен Зенков көшесінің қиылысындағы өзі тұрған үйдің қабырғасына орнатылды.

Фариза Оңғарсынова – қазақ әдебиетіне өршіл рухты өлеңдерімен өзіндік жаңа леп әкелген ақын. Қазақстан Республикасы Парламенті мәжілісінің депутаты, Қазақ КСР Жоғарғы Кеңесінің Құрмет грамоталарымен, «Құрмет» белгісі, «Парасат» ордендерімен марапатталған. Іс-шара аясында ақынмен әдебиет әлемінде бірге қалам тербеген әріптестері, туыстары өз естеліктермен бөлісті.

«Тақта орнатылған үлкен үй – Фариза Оңғарсынова дейтін ардақты қазақ қызының талай-талай рухани кештерін өткізген, үлкен туындыларын дүниеге әкелген, достарымен бірге арқа-жарқа болған, әдебиеттің абыройын көтерген, ұлттың рухына қызмет еткен  қасиетті, қастерлі төрі. Біз үшін бұл аса қадірлі, қастерлі сәт», – деді ақын, Қазақстан Мемлекеттік сыйлығының лауреаты Нұрлан ОРАЗАЛИН.