Алматының 3 ауданында суық су уақытша өшіріледі

Алматының Алатау, Түрксіб, Жетісу ауданының тұрғындарына құлаққағыс!

Аталған аудандардың біршама бөлігінде ауыз су уақытша тоқтатылады. Бұл жағдай су құбырларын жөндеу жұмыстарына байланысты дейді мамандар.

Нақтырақ айтсақ, 24 кыркүйек күні сағат 20:00-ден бастап тіршілік нәрі болмайды. Ауыз су 26 қыркүйек күні сағат 14:00 де  қайта қосылады.

Айта кетейік, жөндеу жұмыстары кезінде әлеуметтік мекемелерге арнайы  су тасығыш көліктер бөлінбек.  

«Тұтынушыларға көбірек су қорын жинап қойсаңыздар. 23 су тасығыш көлік бөлінеді. Олар әлеуметтік нысандардың жанында болады», – деді «Алматы Су» МКК мекемесінің қоғаммен байланыс жөніндегі маманы Ақбота ЖЫЛЫСОВА.